Զորաց Քարեր

Այն քարե պատերի, հատուկ դասավորած գլաժայռերի ու գերեզմանների մի ամբողջություն է: Ըստ լեգենդի զորավարները թաղված են եղել քարե կույտերի, իսկ զինվորները` կանգնած քարերի տակ:

Ասում են` Զորաց Քարերում էլիպսաձև տեղադրված քարերը ծառայել են որպես տաճարներ, որտեղ նաև զոհաբերություններ են կատարվել: Գիտական հետազոտությունները առաջ են բերել այն վարկածը, որ Զորաց Քարերը նաև յուրահատուկ աստղադիտարան է եղել, քանի որ երկնային մարմինների շարժումը անտիկ ժամանակաշրջանում ուսումնասիրվում էր քարերի մեջ մարդու կողմից բացած անցքերի միջոցով: